Ég held að menn ættu aðeins að slaka á hérna og anda með nefinu.

Nr. 1. Það er skammtímalausn ef liðið kemst ekki upp... að fá þrjá serba til þess eins að geta verið í toppbaráttunni í 3. deild yfir eitt tímabil. Þessir menn eru væntanlega ekki að spila frítt eða bara að fá vinnu í Kjörís (vona hins vegar Hamars vegna að svo sé). Hvað verður um þessa menn að loknu tímabilinu, sbr. júggana hjá Selfoss á sínum tíma. Hægt er að nefna fjölmörg önnur lið sem hafa brennt sig á þessu sama atriði. Það er skammtímalausn að hella liðinu út í fjárskuldbindingar til lengri tíma, ef árangurinn er enginn á móti og jafnvel þótt árangur náist til skamms tíma. Menn eru óratíma að vinna sig út úr slíku rugli (spyrjið fyrrverandi stjórnarmenn í Tindastóli). Vonandi hefur stjórn Hamars hins vegar tryggt það að fjárskuldbindingar til þessara manna verði ekki greiddar út á krít félagsins. Það að greiða þjálfara og leikmönnum í þriðju deild í íslenskri knattspyrnu, er meira en að segja það.

Nr. 2. Það að vera skotinn í skammtímalausnum og byggja á skammtímalausnum til framtíðar, ber ekki vott um mikla greind. Ég held að þessi ummæli séu sjálfdauð. Ég held að menn ættu að tala sem minnst um það með hroka að takast ekki eitthvað. Slík ummæli geta verið fljót að bíta menn í rassinn þegar gefur á bátinn. Menn byggja á þeirri reynslu sem þeir afla sér eftir hvert tímabil, nema náttúrulega að þeir séu með ákveðnar skammtímalausnir í huga.

Nr. 3. Raunveruleikinn er sá Árborg aldrei keypt til sín neina leikmenn eða greitt þeim fyrir að spila, mér vitandi. Menn skulu passa sig á því í hvaða skó þeir eru að skíta, það endar oft með að þeir skíta í sinn eiginn. Fyrir lið eins og Árborg í þriðju deild, eins og öll önnur lið í 3. deildinni, verður að byggja á þeim efnivið sem til staðar er. Annað væri bæði fjárhagslega óábyrgt í þessari stöðu, auk þess sem ég held að það samrýmist ekki markmiðum Árborgar, amk ekki miðað við það sem ég hef heyrt. Ef menn hins vegar stefna ekki að því markmiði að ná sem besta mögulega árangri í hvert sinn, væri bæði tilgangslaust að eyða orku og fjármunum í keppni í knattspyrnu, en menn verða líka að nálgast það markmið af smá skynsemi. Raunveruleikinn er bæði bitur og kaldur.

Nr. 4. Vonandi nær Hamar góðum árangri í sumar og verður í baráttunni um að komast upp og fer alla leið. Vonandi er ekki verið að byggja á skammtímalausn og að þessi félagsskipti verði til þess að árangur náist hjá meistaraflokki og til að efla yngri flokka starfið. Hins vegar er rétt að benda á það að leikmenn í yngri flokkunum sem hafa getuna og viljann til að leika í meistaraflokki, hafa ekki endalausa þolinmæði til að sitja á tréverkinu leik eftir leik, einfaldlega vegna þess að lúnar lödur frá gömlu austantjaldslöndunum verða að vinna fyrir laununum sínum. Hafa skal það hugfast í framtíðinni (menn skulu ekki fara að æsa sig yfir því að ég sé að kalla nýja leikmenn Hamars lödur, hér er ég að tala um almennt séð, þetta eru án efa afbragðs leikmenn). 

Gangi ykkur sem best í sumar og í framtíðinni.

Áhugamaður um Sunnlenska knattspyrnu.

p.s. Kýs að koma ekki fram undir nafni þar sem ég þarf að geta látið sjá mig í Hveragerði við og við

e.s. ef menn hafa í huga að svara þessum pósti, er vinsamlegast beðið um að það sé gert með rökum... en ekki að pabbi minn er sterkari en pabbi þinn... eða þvíumlíku.

Þakka þér fyrir góða greina nafnlaus og það er margt rétt og vel hugsað í henni hjá þér.

Hins vegar þá er fjárhagsleg áhætta þess að fá Lödurnar til Hveragerðis ekki mikil. Eini beini kostnaðurinn sem Hamar þarf að greiða út er innflutningskostnaðurinn bak við Lödurnar. sem sagt greiða fyrir flugmiða og borga bensín til þess að sækja þá til Keflavíkur. Þessir menn koma hingað á þeim forsendum að vinna og spila fótbolta þess á milli. Ekki að koma til landsins og fá borgað fyrir að leika knattspyrnu og slæpast þess á milli. Það myndi aldrei ganga í 3.deildar fótbolta. 

Annað þú talar um að byggja á þeim efnivið sem til staðar er. Það hefur verið reynt þau tímabil sem Hamar hefur verið tekið þátt í 3.deildinni frá endurstofnun Mfl. Hamars. Það hefur ekki gengið vel. Breiddin og áhuginn hefur einfaldlega ekki verið til staðar. Enda er getur ekki kviknað mikill áhugi fyrir knattspyrnu í svona litlu bæjarfélagi ef ekkert gengur. Þannig að þarna er kominn lítill vítahringur. Enginn árangur vegna lítils áhuga og metnaðar og enginn áhugi vegna lítils árangurs. En Það hefur verið byggt á ungum heimastrákum í liðinu á undanförnum árum og á því verður engin breyting, heldur er aðeins verið að bæta við reynslu meiri mönnum inn í liðið. Því ekki er mikil reynsla þegar elstu menn eru 24 ára og hafa einungis spilað 3 ár í meistaraflokki.

Þessi Skammtímalausn er líka að miklu leiti til þess gerð að við yngri leikmennirnir lærum af því að spila með reyndari leikmönnum og kynnumst því að sigra og leggja okkur alla fram til þess að ná árangri. Svo ég vitni nú í góðan vin minn í Ægi "við erum ekki í þessu til að tapa".

Það að fá íslenska leikmenn til að koma og spila með 3.deildarlið úti á landi gengur oft ekki vel. menn vilja fá greitt fyrir að keyra á æfingar og eins nenna menn ekki að keyra á hverja einustu æfingu. Því er oft betra að að fá erlendra leikmenn þegar húsnæði í bænum liggur á lausu. Eins eru hérna á suðurlandi þrjú 3.deildar lið og eitt 2.deildar lið og er því oft mikil eftirspurn eftir bestu leikmönnunum og þar af leiðandi er oft mjög erfitt að fá góða stráka af Suðurlandi til þess að koma og spila.

Mér finnst ekki rétt að vera bera saman Árborg og Hamar. Í það minnsta get ég ekki gert það þar sem ég þekki ekki markmið Árborgar nægilega vel. Þó svo ég viti vel að það er ákaflega vel staðið að hlutunum þar og þetta er skemmtilegt lið að mæta á vellinum og vonandi kemur þeim til með að ganga vel í sumar. Þó svo að ég sé hundfúll að þeir hafi verið færðir um riðil.

Það er gaman að það skuli vera komin af stað málefnanleg umræða hér á spjallinu og þakka þér fyrir gott innlegg og vona að þetta svar mitt hafi verið nægilega vel rökum stutt. 

Ég vil beina því til þeirra leikmanna/stuðningsmanna Hamars að reyna af fremsta megni að ljóstra ekki upp um viðkvæm mál félagsins, þar er ég að tala um hvernig klúbburinn stendur að sínum málum og hve mikið hitt eða þetta kostar í rekstri félagsins.

Þrátt fyrir að innan okkar hóps sé rætt um kostnað og famkvæmd ákveðinna hluta þá er ástæðulaust að bera það á borð fyrir utanaðkomandi aðila sem vilja gjarnan velta sér upp úr slíkum hlutum og jafnvel gagnrýna okkur fyrir þær ákvarðanir sem við tökum.

Ég fagna allri umræðu um Hamar því af illu umtali geta vel sprottið góðar hugmyndir (séu menn hugmyndaríkir og jákvæðir í sínu starfi). Málið er bara það að sama hvaða ákvörðun er tekin sem varðar starf félagsins, þá eru alltaf einhverjir sem eru ósáttir og aðrir sem eru öfundsjúkir. Það eru við, leikmenn, stjórn og stuðningsmenn Hamars sem erum liðið og saman stöndum við af okkur háðglósur og gagnrýni þeirra sem þekkja ekki okkar störf og markmið. 

Hamar er opinn klúbbur og vilji menn fræðast nánar um starfsemi félagsins er þeim hinum sömu frjálst að gera það á þeim tímapunkti sem þeir ganga í og/eða taka að sér trúnaðarstörf fyrir félagið.  

Að sjálfsögðu fagna ég umræðunni um liðið því öll umræða er betri en engin umræða. Við vinnum ekki leiki á spjallborðinu heldur á vellinum, þar er okkar vettvangur til að sýna þeim sem gagnrýna okkur að þeir hafi rangt fyrir sér.

Þá hvet ég alla sem vilja fræðast um starfsemi okkar að hafa samband við mig og mun ég af fremsta megni leitast við að svar þeim spurningum sem brenna á mönnum hverju sinni. Sömuleiðis hvet ég menn til að virða störf stjórnar meistaraflokksins og þar með láta hana sjá um allar opinberar yfirlýsingar til fjölmiðla sem og annara miðla, auðvitað eru allar ábendingar vel þegnar en til að valda ekki glundroða er ráðlegt að stjórnin sjái um allt slíkt.

Hægt er að fá upplýsingar um stjórnarmenn undir tenglinum ,,Stjórn" á forsíðunni.

P.S. Ég er ekki að banna mönnum að tjá sig um það sem þeir vilja hér á þessari síðu, mér dettur það bara ekki til hugar. En ég hvet alla að gæta varfærni í því sem þeir ,,ljóstra upp".

Hjortur wrote:

---

P.S. Ég er ekki að banna mönnum að tjá sig um það sem þeir vilja hér á þessari síðu, mér dettur það bara ekki til hugar. En ég hvet alla að gæta varfærni í því sem þeir ,,ljóstra upp".

---

Þið megið ekki taka því þannig að ég sé að reyna að ritskoða síðuna og alls ekki hætta að tjá ykkur.

Rice, þú ert sérstaklega beðinn um að halda áfram að leggja fram þínar skoðanir því aðhald og innlegg frá ,,utanaðkomandi" (ekki illa meint) Hamarsmönnum er nauðsynlegt til að halda okkur vakandi og virkum í starfi félagsins.

Gaman að heyra í mönnum frá stórklúbbi Árborg um hvernig byggja eigi upp knattspyrnulið - í sömu andrá og þeir tjá sig um málefni Tindastóls.

Það er alveg klárt mál að í kaupstöðum ekki stærri en t.a.m. Hveragerði og Sauðárkrókur, þá þarf oft utanaðkomandi púður til að koma félaginu af stað. Sérstaklega þegar klúbburinn er ekki eldri (Hamar). Tindastóll hefur tekið margar misgáfulegar ákvarðanir varðandi leikmannakaup í gegnum árin. En þær hafa samt leitt ýmislegt gott af sér (ásamt því augljósa slæma):
- Áhugi bæjarbúa jókst
- Félagið komst uppum 2 deildir (og bætti m.a. stigametið í 2.deild - sem Þór slóg ári seinna)
- Ungir leikmenn fengu tækifæri á að spila í efri deildum við alvöru lið og öðluðust mikla og góða reynslu.
- Menn sem komu settust að á króknum og skiluðu mörgum góðum tímabilum fyrir liðið.

Mikilvægast er að gera gæta jafnvægis í uppbyggingu félaxins. Byggja þarf á blöndu leikmanna sem líkleg er til árangurs, í dag sem og eftir ár. Að fá 3 júgga til að styrkja hóp sem líklegur er að spila saman næstu árin verður seint talið heimskulegt.

Miðað við stærð Hveragerðis, og úrval allra klúbbanna hér á borginni, og á Suðurlandi öllu, held ég að Hvergerðingar ættu að vera ánægðir með liðið sem að Marri og Hjörtur eru að setja saman með mjög takmarkað(en sanngjarnt) fjármagn. Og á næsta tímabili þegar Hamar spilar í 2.deild, þá efast ég um að heyra efasemdaraddir.

Árni Geir

Sér enginn ROSA STÓRA MÓTSÖGN í þessu??

"Ég er sammála Bjössa að það er ekki rétt að bera saman Árborg og Hamar. Árborg er lítið félag bara með meistaraflokk en Hamar er stórt félag með hundruði manna á bakvið sig, yngri flokka og fjölbreytt starf. Það verður gaman að sjá hvort liðið nær betri árangri í sumar. Auðvitað verður það Hamar!"

sem sagt það er ekki rétt að fara í þann samanburð sem nafnlaus svo gerir...

Annars þykist ég vita að maðurinn/konan var að reyna að vera kaldhæðinn... það tókst... bara ekki á þann veg sem nafnlaus ætlaði...

... hvað varstu annars að spá?

..þetta bítur ekki á okkur...

...og btw tvö comment í röð á svona spjalli bera vott um desperation... spjallaði við sálfræðing um það... hann sagði svo vera... langlíklegast. Annars finnst honum þessi þráður vera alveg bráðfyndinn.

Nafnlaus sniðugur og kaldhæðinn að vanda.

Hvað meinarður skítkast? Fatta ekki alveg hvað þú ert að meina... en jæja... so be it:)

Þetta er kannski málið sem þú kemur með... liðinu hefur kannski ekki gengið vel... já... bara alltaf... en bær eins og Hveragerði á að hafa metnað til þess að hafa betra lið en þetta... einmitt tölfræði... menn eru nú að sýna metnað til þess að bæta árangurinn. Það er það góða í málinu. Þessi styrkur er einmitt gott skref til framtíðar:) Held einmitt með þessu commenti þínu þá er sá linkur á þessari umræðu útræddur.

3ja deildin er kannski saman safn af bjórklúbbum en slík staðreynd á aldrei að verða til þess að menn sýni ekki metnað í starfi sínu. Annars finnst mér mjög gaman að drekka bjór:)

Ef Hamar verður flengdur bara tvisvar í sumar er það einmitt mikil bæting frá því áður... það er bara jákvætt. Held einmitt að með þessu svari þínu er þetta líka útrætt.

Takk annars fyrir að kalla mig/strákana gáfaða og vel gefna:) Þú ert það líka... ég veit það;)