Jæja drengir, eftir langan og strangan vetur, mannlausar æfingar, árbæjarútihlaup, snjókomu og miklar þreifingar á leikmannamarkaði þá er komið að því, Íslandsmótið hefst. Ég er búinn að bíða eftir þessu síðan flautað var til leiksloka í síðasta leiknum á síðasta tímabili(var reyndar ekki með í þeim leik, bara í anda) og ég held að sumarið verði drulluskemmtilegt. Þrátt fyrir að Þjálfari og stjórnarmenn hafi farið mikinn á leikmannamarkaði og verið að spyrjast fyrir um leikmenn(allt frá tvíbbunum upp í Gabriel Milito og aftur niður í Angantýr(sem engin veit hvort að sé raunverulegur eða ekki)) þá hafa engir nýjir menn bæst í hópinn. Þeir sem bætast við eru Hvergerðingum ekki ókunnir, kempur eins og Njörður og Ómar og svo allir ungu guttarnir. Liðið okkar hefur bara verið að safna reynslu síðastliðin tímabil og hafa leikmenn eins og Jónas, Ásgeir, Hannes, Heimir, Bjössi, Einsi, Þráinn og Kiddi nú orðið fína reynslu af deildinni. Við höfum misst nokkra lykilleikmenn yfir í önnur lið en ég held nú samt að í ár sé liðið sterkara en t.d. fyrir tveimur árum þegar við náðum fínasta árangri. Núna er ég að skrifa þess grein til að stytta mér stundir fram að Reynisleiknum því að ég get ekki beðið. Ég ætla að mæta fókuseraður og ákveðinn til leiks og krefst þess að menn geri hið sama. Einnig vil ég að við stefnum að sigri í þessum leik. Ef við förum í hann sem eitthvað lítið lið þá getum við ekki unnið. Hugsa stórt, þá vinnum við. Njótum þess svo að spila fótbolta við góðar aðstæður, engin f*kking gervigrös lengur(eins og Hjörtu mundi segja). Koma svo og gíra sig upp í þetta helvíti.............