Jæja strákar,

þrátt fyrir sorglega lélegan leik og tap gegn Skallagrím síðasta föstudag erum við komnir í undanúrslit Lengjubikarsins í fyrsta skipti í sögu Hamars.

Þetta er auðvitað glæsilegur árangur en mótið er ekki búið og okkur hungrar auðvitað í sigur á mótinu sjálfu. En fyrst þurfum við að klára leikinn á þriðjudaginn og eru andstæðingar okkar þar lið Augnabliks sem er að mestu leiti skipað ungum Kópavogsbúum úr Breiðablik, HK og öðrum liðum þaðan.

http://ksi.is/mot/felagaskipti/?FelagUt=%25&dFra-dd=22&dFra-mm=09&dFra-yy=2006&kyn=1&FelagInn=207&dTil-dd=29&dTil-mm=04&dTil-yy=2007

Augnabliksmenn eru án efa með mun sterkara lið en þau sem við höfum spilað við í Lengjubikarnum til þessa og verður það því skemmtileg áskorun fyrir okkur að fá þá sem mótherja í þessum leik. Augnablik fór í gegnum sinn riðil taplaust og gerði m.a. góða ferð í Vesturbæinn og náði jafntefli við KV á þeirra sterka heimavelli.

Nú er að duga eða drepast fyrir okkur, ekkert annað en sigur kemur til greina og til þess að við náum okkar markmiði verðum við að snúa bökum saman, berjast hver fyrir annan og það til síðasta manns.

Ég vil minna á að verðlaunin fyrir sigur í Lengjubikarnum eru (auk heiðursins) 100.000.- kr. og hefur stjórn meistaraflokksins heitið því að sú upphæð muni renna óskipt í leikmannasjóð.

Það er því til mikils að vinna, ekki bara fjárhagslega, heldur er líka heiðurinn og stoltið að veði. Við erum Hamarsmenn og við látum ekki vaða yfir okkur, það sem við viljum það skulum við fá. Og við viljum ekkert annað en sigur.

Hamar.... Bezt í heimi.

-- Edited by Hjortur at 11:08, 2007-04-29