Ég hef það eftir mjög áreiðanlegum heimildum að Ægir á ekki neitt af peningum.. Eru búnir að vera losa sig útúr skuldum seinustu 2 árin sem þeir lentu í því þeir voru að borga leikmönnum.. Gekk ágætlega hjá þeim en fyrst þeir eru farnir að borga mönnum pening aftur, beint eða óbeint þá held ég að þetta endi illa hjá þeim. Held ekki að það séu einhverjir kvótakallar að moka pening í þetta ennþá.

Þar fyrir utan þá er alltof seint að ræða um þetta núna því það er búið að skipuleggja íslandsmótið og það tekur tíma að sameina lið. Ég held nú líka að það sé meiri mannekla í Þorlákshöfn en hjá okkur.

Í þriðja lagi langar mig ekkert að sameinast Ægi eins og staðan er í dag. Er á móti þessu!

Blessaður Hjörtur... gaman að sjá þennann póst...

Var að spá hver væri tengingin við sameiningarumræðuna og þetta comment...ertu þá að meina peningahliðina??? Það koma ekki meiri peningar í fótboltann út af því að bæjarstjórnin sýni íþróttum ekki skilning???

Ég er ekki alveg viss hvernig ég á að taka á þessum póst þínum, en ég hélt að þú værir málefnalegri en þetta...

Búið er að samþykkja að setja upp nýja klukku... kynna sér málin áður en farið er út í svona rugl... kynna sér málin.

Svo heldurðu áfram að bulla, nú um H-húsið... sjálfur hef ég tekið mjög mikinn þátt í uppbyggingu á húsinu og finnst þetta comment þitt vera með ólíkindum... Rökin fyrir húsinu voru augljós, eitthvað þurfti að gerast fyrir ungt fólk í Hveragerði... Því vantaði stað... Þú talar um að peningum sé dælt í það... þá peninga hef ég þá ekki séð, þetta er eitt ódýrasta ungmennahúsið á landinu. Svo þetta með fjöldann, þú bullar um að 5-7 manns mæti þar... þegar ég var að vinna þarna í haust mættu um 50 manns í húsið... ég tel það vera mjög gott... Svo vil ég taka fram að þetta comment þitt lýsir skilningsleysi þínu á þessu starfi... því allt ungmennastarf er mælt frekar í gæðum en fjölda...       en annars vil ég nefna að það er margt sem þarf að gerast í sambandi við húisið... og þetta comment þitt sýnir mér ennfrekar fram á það að ég hef rétt fyrir mér með það. Þetta comment sló mig mjög mikið vegna þess að ég er búinn að vinna mikla vinnu fyrir húsið og sjálfur er ég formaður samtaka ungmennahúsa á landinu og stjórnarmaður í NUF(Nordisk ungdomsrads forum)... En ef þú ert að meina að það sé ósanngjarnt að íþróttinar fái minni pening en ungmennastarf þá erum við búnir að finna umræðugrunn... 

þessi tala þín 500 millj. Hvaðan hefurðu hana?...

svo í sambandi við þjónustusamninginn, þá er hann einmitt til þess að kom með frekari fagmennsku inn í íþróttastarfið... upphæðina má alltaf deila um.. en upphæðin er upphæð sem íþróttafélagið samþykkti... er það slæmt?

Þú spyrð svo hvar er íþróttahúsið... ég tek undir það... hvar er það??? ég hef lagt mikla áherslu á þetta mál hjá okkur en ekki fengið neinn hljómgrunn....bendi þá helst á samstarfsaðila Samfylkingarinnar...þið vitið hverjir það eru...

Svo þetta með húsin... framsókn verður að svara því

En annars þá bið ég þig um að hafa staðreyndirnar á hrenu áður en farið er út í svona umræðu, umræðan er yndislegt fyrirbæri... ég er alltaf til í umræðuna...

En annars, það er verið að loka hlöðunni... ég vildi hafa þetta lengra en það er verið að reka mig út.  

en tek fram að ég verð ekki neitt á netinu yfir helgina, þannig að hringdu í mig 695-3971 ef þú vilt ræða þetta eitthvað frekar við mig fyrir mánudaginn...

Jæja komnir út í pólitík ... verð að leggja orð í belg. Þegar ég las póstinn hans Hjartar hugsaði ég, "Jæja, hvað skildi Grjóni vera fljótur að svara?" Og vola ... eldsnöggur.

Það er enginn hætta á öðru Hjörtur en að við kjósum rétta menn í bæjarstjórn. Menn sem eru óháðir stjórnmálaflokkum enda vitum við að hægri eða vinstri eða miðjumoð (blakta eftir vindi) hefur ekkert að segja í bæjarmálapólitík. Get t.d. sagt frá því að ég benti bæjarráði á það með bréfi fyrir meira en ári að hér í bæ þyrfti að koma betur á móts við barnafólk með niðurgreiðslu dagmæðragjalda eins og gert er á mörgum stöðum á landinu. En það hefur ekkert gerst en samt kallar Samfylkingin sig félagsmálaflokk?

Ég er sammála þér Hjörtur með að bæjarstjórnarmenn síðusta áratugar eða meira hafa lítið hugsað um veg íþrótta hér í bænum, hugsanlega með undantekningu að endurbæta sundlaugina en gera svo ekkert í húsinu í Laugaskarði sem er að grotna niður. Ég segi að ef lítið bæjarfélag eins og Hveragerði hefur efni á því að hafa bæjarlistamann á launum þá höfum við efni á að gera betur fyrir barnafólk og íþróttafólk hér í bænum, ekki satt?

Annars er aldrei að vita nema nýr bæjarmálaflokkur skjóti upp kollinum þegar nær líður kosningum á næsta ári, Stjórnmálaflokkurinn heitir hann og er skipaður Hvergerðingum á mínum aldri sem hafa brennandi áhuga að gera bæinn betri. Auglýsi hér með eftir áhugasömum einstaklingum sem hafa áhuga á að taka þátt í bæjarmálastarfi óháð gömlu stjórnmálaflokkunum. Byrjuðum auðvitað á réttum enda og erum búnir að hanna lógó fyrir flokkinn, kann bara ekki að senda myndir hér ...

X-Stjórnmálaflokkurinn

... Hveragerðisbær er þegar orðinn eftirbátur margra annarra sveitarfélaga í ýmsum málum. Reyndar er erfitt að keppa við Reykjavík varðandi niðurfellingu leikskólagjalda eða niðurgreiðslu dagmæðragjalda. En fyrst bærinn hefur efni á að hafa bæjarlistamann eða styrkja stjórnmálaflokka reglulega hljóta þeir að hafa efni á þessu. Þetta er spurning um forgangsröðun Sigurjón og eitthvað hefur hún nú riðlast. Mér finnst það líka vera mjög léleg afsökun að benda alltaf á hinn flokkinn ef eitthvað hefur ekki gengið upp (ekki ein í stjórn bæjarins)! Reyndar finnst mér það alvarlegt mál sem stjórnmálamenn landsins ættu að pæla svolítið í en það eru misjafn aðgangur fólks að félagshjálp eftir því hvar það býr á landinu, sbr. dagmæðragjöld og leikskólagjöld (er mér mjög hugleikið því ég er að borga yfir 70 þús. kr. á mán. fyrir tvö börn hjá dagm. og á leikskóla). Auðvitað á ekki að skipta máli hvar þú býrð til að njóta grunnsþjónustu.

En nóg um stjórnmál er þetta ekki fótboltasíða ...

Sammála þér Njörður að það er mjög léleg afsökun að benda alltaf á hinn flokkinn, en pólitík snýst um að ná málamiðlunum, t.d. þetta með íþróttahúsið væri vonandi lengra komið ef samfylkingin væri í stjórn með einhverjum öðrum...

ég nenni ekki að svara þessu með bæjarlistamanninn en vil benda á það að listaelítan þolir ekki að peningar séu settir í einhverjar íþróttir... Stjórnmál snúast um forgangsröðun...það er rétt... henni finnst rétt forgangsröðun vera önnur...

og ég verð að segja að ég get ekki verið meira sammála þér með þetta ,,Auðvitað á ekki að skipta máli hvar þú býrð til að njóta grunnsþjónustu."

En jú þetta er fótboltasíða... og tengingin er sú að okkur vantar pening og auðvitað ráðumst við á þá sem eiga að redda honum... það eru stjórnmál... fótbolti og stjórnmál tengjast alveg þannig að þessi umræða á alveg fyllilega rétt á sér hérna...

Jæja, jæja, nú er gaman...

Tenging mín með þessum pósti inn í sameiningarumræðuna er sá þáttur er varðar aðstöðuleysið og fjármunina. Þrátt fyrir að bæjarstjórnin hafi samþykkt að setja upp nýja klukku, þá bólar ekkert á henni. Samt var mikil umræða um þetta síðasta haust og reyndar veturinn þar á undan líka, það að setja eitthvað á stefnusrá þýðir því miður ekki hjá þessari bæjarstjórn að það muni gerast.

Ég geri mér grein fyrir því að H-húsið er þér mjög mikilvægt málefni, en ég hef séð tölurnar svart á hvítu að bærinn eyddi meiri fjármunum í H-húsið á síðasta ári en allt íþróttafélagið fékk, ég er algjörlega sammála því að það þurfi að vera til staður fyrir unglinga bæjarins til að hittast á en ég bara skil ekki afhverju félagsmiðstöðin var ekki nýtt í þá starfsemi. Þar er búið að eyða miklum fjármunum í uppbyggingu (sem þó á eftir að klára) og ég held að starfsemi ungmennahúss og félagsmiðstöðvar hefði vel getað farið saman, eins og reyndar er gert að einhverju leiti nú. Afhverju að eyða fjármunin í aðra "félagsmiðstöð" þegar sú sem er til staðar er ekkert nýtt og er látin standa ókláruð. Ég veit að Rauði krossinn tekur þátt í þessu verkefni, en það breytir ekki staðreyndunum að bæjarfélagið hefur algjörlega lagt húsnæðið sem var til staðar fyrir þessa þjónustu til hliðar og hálfpartinn látið það grotna niður með engu viðhaldi. Þetta kallast að sóa fjármunum. Þegar þú talar um að 50 manns hafi mætt í húsið, var það þá yfir einn eða fleiri daga? Ég sá 15 manns í húsinu á laugardagskvöldið sem maður gæti haldið að væri "primetime" fyrir þessa starfsemi, ég veit auðvitað ekkert hvort það hafi verið fleiri eða færri fyrir og eftir að ég kom þangað. Ég veit bara að nær undantekningarlaust í hvert einasta skipti sem ég hef keyrt þarna framhjá (áður en félagsmiðstöðin var færð þangað), þá var húsið nær mannlaust. Ég held nefnilega að aldurshópurinn sem sækir svona staði séu krakkar á grunnskólaaldri sem hafa því miður ekki haft neina félagsmiðstöð til að sækja í. Félagsmiðstöð fyrir fólk á aldrinum 16-25 ára gæti virkað einhverstaðar í N-Noregi, en ég sé það bara ekki gerast sem sjálfstætt batterí í þessum bæ (en ég vona samt að það gæti gengið sameiginlega með félagsmiðstöðinni).

Þú veist það vel Grjóni að þegar sveltandi manni eru boðni tveir valkosti, að svelta áfram eða að þiggja brauðendann sem honum er rétt, þá þiggur hann brauðendann. Sjáðu nú til, íþróttafélagið er með iðkendur frá aldrinum 6 til 40+ og fær 2/3 af þeim fjármunum sem voru notaðir í rekstur unglingafélagsmiðstöðvarinnar. Íþróttafélagið er það félag í bænum sem er með langmestan fjölda iðkenda og breiðasta aldurshópinn en samt þarf það að lifa á sníkjum og styrkjum og búa við hrikalegt aðstöðuleysi. Það er alveg sama hve mikið þú munt tala um að fá nýtt íþróttahús í bæinn og alveg sama hve mikið þú kennir "hinum" flokknum um, þá mun ekki á næstu 10 árum rísa svo mikð sem grunnur að íþróttahúsi. Enda væri það algjört glapræði að ráðast í slíkar framkvæmdir þegar bærinn er að tapa 80 milljónum í rekstri á ári hverju.

500 milljónir fæ ég með því að taka saman ársleigu (20 milljónir) og margfalda það með fjölda ára sem leigusamningurinn gildir (25 ár), útkoman er því 500 milljónir sem það kostar Hvergerðinga að hafa fínar bæjarskrifstofur og bókasafn. Ekki koma með komment til baka um að án þessa samnings hefði ekki verið reist þessi verslunarmiðstöð, því að eins mikið og ég er fylgjandi því að hafa Sunnumörkina, þá réttlætir það ekki staðreyndirnar að bærinn mun aldrei eignast svo mikið sem 1 fermeter í þessu húsnæði fyrir allan þennan pening. Spurðu sjálfan þig, hvort myndir þú leigja húsið þitt í 25 ár eða kaupa það?

Ekki vísa öllu á "hinn" flokkinn, bæjarstjórnarmeirihlutinn hlýtur að standa sameinaður að rekstri bæjarins.

Þetta eru staðreyndir.

Allt sem skrifað hefur verið í þessum pósti lýsir einungis skoðunum þess er setur hann fram og tengist á engan hátt þeim félagasamtökum sem hann starfar fyrir né öðru/m sem hann tengist.

Hjörtur Sveinsson.

Fyrst þegar ég hugsaði þetta fannst mér þetta ekki raunhæft.

En spáum aðeins í þetta. Við höfum allavegana ekki nóg of marga til að vinna leiki og Ægir nær ekki einu sinni í lið.Þetta er samt ekki spurning um það. Þetta er spurning um rekstur. Sjáum til eins og Selfoss/Hamar í körfu. Það var ekki verið að sameina vegna þess að Hamar hafði ekki mannskap, heldur vegna þess að þeir hafa metnað í því að ná árangri. Höfum við það ekki?

Við höfum ekki einu sinni æfingasvæði... Sparkvöllur KSÍ er fyrst og fremst hugsaður sem sparkvöllur en ekki æfingavöllur, þannig tæknilega séð megum við ekki æfa þar.(er þetta ekki annars sparkvöllur KSí?). Það hefur ekki gengið svo vel hingað til að ná mönnum í stjórn, því einfaldlega er ekki áhugi. Mér finnst ekkert að því að skoða þetta og þó svo Hamar-Ægir leikirnir séu bara snilld tel ég að Hamar/Ægir gæti gert fínustu hluti í framtíðinni :) Það er kannski ekki rétti tíminn að spá í þetta núna rétt fyrir mót, en ég tel allavegana að við skulum sjá hvar við stöndum eftir sumarið og spá svo í þetta.

Kveðja

Sigurður Gísli

Ég vill líka minna á að hver sá sem hefur áhuga og metnað er velkominn að ganga til liðs við okkar frábæra félagsskap, en sama hve margir koma úr/frá öðrum liðum þá munum við alltaf heita HAMAR.

Annað má síðan ræða á stjórnarfundi í haust.