Jæja piltar,

þá er komið að æfingaferðinni og líklegast stærstu helgi meistaraflokks Hamars frá upphafi. Það verður gaman að skella sér í æfingabúðir, taka vel á og þjappa saman hópnum fyrir leikinn á sunnudaginn.

Við komuna á Hellu bíður ykkar óvæntur glaðningur frá stjórninni sem nýtist ykkur vel fyrir sumarið.

Svo á sunnudaginn þurfa allir að vera tilbúnir að berjast hver fyrir annan og til síðasta manns. Þetta er spurning um heiður og stolt og svo er gulrótin auðvitað 100.000.- kr. sem þið fáið í leikmannasjóðinn ef þið vinnið leikinn.

Nú er bara að taka þetta með yfirvegun og stæl og landa fyrsta titli Hamars frá upphafi, takist það munið þið skrá nöfn ykkar í sögubækurnar og sýna umheiminum að Hamar er bezt í heimi.

Sjáumst á föstudaginn með baráttuna og góða skapið  í farteskinu.

Hamar... Bezt í heimi